Azərbaycan Respublikası Prezidentinin yaninda Gənclər fondunun maliyyə dəstəyi ilə “Sağlam Yaşa” Gənclərin Maarifləndirilməsi İctimai Birliyi 30 oktyabr 2019 – cu il tarixində Qax şəhər Mərkəzi kitabxanasında “Dini radikalizm və ektremizmə qarşı mübarizədə təhsilin rolu”mövzusunda tədbir keçirmışdir. Tədbiri giriş sözü ilə RİH- nümayəndəsi Orxan Səmədov açaraq qonaqları salamladı və bu mövzunun region üçün çox əhəmiyyətli olduğunu qeyd etdi. Təşkilatın eksperti Tələt Qəribov qeyd etdi ki, Dini ekstremistlər milli- dini dəyərlərə hörmətlə yanaşmır, bu dəyərləri məhv etməyə, gözdən salmağa çalışırlar. Dini radikalizmə yuvarlanmış gənclər milli və bəşəri dəyərlərdən imtina edir, təhsildən də uzaqlaşır və nəticədə özlərini mənəvi cəhətdən cəmiyyətin inkişafına mane olan elementlərə çevirirlər. Təcrübə göstərir ki, dini radikalizm və ekstremizmə qarşı mübarizədə təhsilin mühüm rolu vardır.
Tədbir iştirakçıları Solmaz Əfəndiyeva, Reyhanə Vəliyeva və başqa iştirakçılar mövzu ətrafında çıxışlar etdilər və bu mövzudakı tədbirlərin davamlı olmasnı arzuladılar. Sonda iştirakçılar öz təklif və rəylərini bildirdilər.
