Qayıdış Konsepsiyası layihəsinin mətni üzərində redaktə işləri yekunlaşıb

Qərbi Azərbaycan İcmasında Qayıdış Konsepsiyası layihəsi üzrə yekun müzakirələr keçirilib.

İcmanın mətbuat xidmətindən AZƏRTAC-a bildirilib ki, yanvarın 24-də Qərbi Azərbaycan İcmasının əsas orqanlarının nümayəndələrinin iştirakı ilə Konsepsiyanın layihəsi müzakirə olunub, mətn üzrə bir sıra əlavə və dəyişikliklər edilib.

Katiblik heyətinə Konsepsiya layihəsi üzərində redaktə işlərini tamamlamaq tapşırılıb.

Qeyd edək ki, Qərbi Azərbaycan İcmasının İdarə Heyətinin yanvarın 25-də keçiriləcək iclasında Qayıdış Konsepsiyası layihəsinə baxılacaq.

ƏvvəlkiYanvarın 24-də Azərbaycanda COVID-19 əleyhinə 563 doza vaksin vurulub
NövbətiArgentinada 6,2 bal gücündə zəlzələ baş verib