Azərbaycan Bütövlük Platforması, Milli Hərəkatçılar Birliyi və sərhəd hərakatının veteranları bu gün Həmrəylik Günü ilə bağlı Milli Azadlıq Hərəkatının lideri mərhum prezident Əbülfəz Elçibəyin məzarını ziyarət ediblər.
Törənə qatılan çoxsaylı gənclər Ə. Elçibəyin məzarına əklillər qoyublar.
Tədbiri giriş sözü ilə açan ABP sədri Bəhram İsmayıl, Milli Azadlıq və sərhəd hərəkatından danışaraq, bu möhtəşəm tarixdə Ə. Elçibəyin hərəkata rəhbərliyindən danışıb.
Sonra tədbirin idarə olunmasına dəvət edilən MHB Başqan müavini Qorxmaz İbrahimli çıxış edərək öz təbriklərini çatdırıb və çıxışçıları tribunaya dəvət edib.
Tədbirə qatılan çoxsaylı iştirakçılardan KXCP sədri Mirmahmud Mirəlioğlu, sərhəd hərakatının nümayəndələri Siyavuş Mustafa, Namiq Talıbov və digərləri söz alaraq Həmrəylik Gününün Azərbaycanın müasir tarixindəki rolundan danışıblar.
Yüksək bayram əhvalında keçən tədbir xatirə fotoqraflarınln çəkilməsi ilə başa çatıb.
