ABŞ hərbçiləri Əfqanıstanı tədricən tərk etməyə başlayıblar

Amerika hərbçiləri Əfqanıstanı tədricən tərk etməyə başlayıblar.

AZƏRTAC xəbər verir ki, bu barədə məlumatı ABŞ-ın CNN televiziya kanalı yayıb. Məlumatda bildirilir ki, ABŞ-ın Əfqanıstanın Qəndəhar şəhəri yaxınlığındakı hərbi bazasının əsgər və zabitləri bazanı tərk edərək ABŞ-a qayıdıblar. Hərbi baza isə Əfqanıstanın hökumət qüvvələrinə təhvil verilib.

CNN kanalının bu barədə yaydığı məlumatı Müdafiə Nazirliyinin rəsmi nümayəndəsi də təsdiqləyib.

Qeyd edək ki, Qəndəhar yaxınlığındakı hərbi baza Əfqanıstan ərazisindəki ən böyük hərbi bazadır. Burada ABŞ hərbçiləri ilə yanaşı beynəlxalq kaolisiyaya daxil olan dövlətlərin də 26 min hərbçisi xidmət edirdi.

ƏvvəlkiAVRO-2020: Türkiyə millisinin geniş heyəti açıqlandı
NövbətiDünyanın ən böyük kripto valyuta birjası barəsində təhqiqat başlandı