Mayın 31-də Azərbaycan Musiqi Mədəniyyəti Dövlət Muzeyinin filialı olan Niyazinin Mənzil Muzeyində Süleyman Ələsgərov adına 1 nömrəli Uşaq Musiqi Məktəbinin 1 iyun – Uşaqların Beynəlxalq Müdafiəsi Gününə həsr olunmuş tədbiri keçirilib.
Bu barədə AZƏRTAC-a muzeydən məlumat verilib.
Çıxış edən Niyazinin Mənzil Muzeyinin müdiri, Əməkdar Mədəniyyət işçisi Rza Bayramov uşaqların bayramını təbrik edib.
Bədii hissədə məktəbin şagirdləri tərəfindən müxtəlif musiqi nömrələri səsləndirilib.
Tədbirdə 1 iyun – Uşaqların Beynəlxalq Müdafiəsi gününə həsr olunmuş slayd-şou nümayiş etdirilib..
Sonda qonaqlar üçün Niyazinin həyat və yaradıcılığı haqqında ekskursiya aparılıb.
