Bakının mərkəzində restoranda lift qırılıb, 2 nəfər ağır xəsarət alıb

İçərişəhərdə yerləşən restoranlardan birində liftin qırılması nəticəsində iki nəfər ağır xəsarət alıb.

Bu barədə “Report”a Kliniki Tibbi Mərkəzdən məlumat verilib.

Bildirilib ki, hər iki şəxs təcili tibbi yardım maşını ilə Kliniki Tibbi Mərkəzə gətirilib: “1988-ci il və 1978-ci il təvəllüdlü şəxslər hadisə nəticəsində çoxsaylı travmalar alıblar. Onların fəqərə, çanaq, baldır, bazu sümüklərində sınıq və çıxıqlar var. Hər iki şəxs reanimasiyaya yerləşdirilib”.

ƏvvəlkiOnlayn mediada fəaliyyəti ən çox işıqlandırılan nazirliklər məlum olub
NövbətiÇində COVID-19 virusuna sutkalıq yoluxma sayı 20 mini ötüb