İngiltərə təmsilçisi “Arsenal”ın səhmlərinin 67 faizinin sahibi olan amerikalı iş adamı Sten Kronke klubun qalan paylarını da satın alacaq.
“Report”un “Independent”ə istinadən verdiyi məlumata görə, S.Kronke bununla bağlı digər səhmdarlara təklif göndərib. Bildirilir ki, artıq rusiyalı iş adamı Alişer Usmanov ona məxsus 30 faiz payı 550 milyon funt sterlinqə satmağa razılıq verib.
Qeyd edək ki, S.Kronke 2007-ci ildə London klubunun səhmlərinin 9,9 faizini alıb. 2011-ci ilin aprelindən isə əsas pay sahibi olub.
