Rusiya keçən ilin sentyabrından bu yana Şimali Koreyanın 10 mindən çox vətəndaşının ölkədə çalışmasına izn verib.
Türk.az xəbər verir ki, bu iddia ilə “Vol Strit Jurnal” qəzeti çıxış edib.
“Rusiyanın rəsmi mənbələrinin məlumatına əsasən, bu il ölkədə cəmi 700 Şimali Koreya vətəndaşına çalışmaq izni verilib. Rusiya bununla BMT-nin qoyduğu sanksiyaları pozur. Hazırda sanksiyaların pozulub-pozulmadığını öyrənmək üçün araşdırma aparılır”, – deyə məqalədə bildirib.
Qeyd edək ki, 2017-ci ilin sentyabr ayında BMT Təhlükəsizlik Şurası Şimali Koreya vətəndaşlarının başqa ölkələrdə işləməsini qadağan edib.
