Yaponiyanın şimal-şərqində 5,2 bal gücündə zəlzələ olub

Noyabrın 1-də yerli vaxtla saat 6:14 dəqiqədə Yaponiyanın şimal-şərqində 5,2 bal gücündə zəlzələ baş verib.

AZƏRTAC xəbər verir ki, bu barədə Yaponiya Meteorologiya Agentliyi məlumat yayıb. Bildirilir ki, yeraltı təkanların episentri İbaraki prefekturasında, ocağı 60 kilometr dərinlikdə yerləşib.

Dağıntılar və zərərçəkənlər barədə məlumat verilmir. Sunami xəbərdarlığı elan edilməyib. Yeraltı təkanlar paytaxt Tokio da daxil olmaqla, Yaponiyanın şərqində yerləşən prefekturalarda hiss olunub.

İbaraki prefekturasının yerli hakimiyyət orqanlarının yaydığı məlumata görə, ərazidə yerləşən “Tokay-2” AES-də ştatdankənar vəziyyət qeydə alınmayıb.

ƏvvəlkiFulya Öztürk: Bu filmi Ermənistanın uşaq qatili olmasının sübutu kimi bütün dünyanın görməsini istəyirəm
NövbətiBu il 248 uşağa Polad, 65 uşağa Xudayar adı verilib