Yanvarın 10-dan 11-nə keçən gecə Ay tutulması olacaq

Bu ilin 1-ci Ay tutulması yanvarın 10-dan 11-nə keçən gecə baş verəcək.

AMEA Şamaxı Astrofizika Rəsədxanasından Trend-ə verilən məlumata görə, bu, yarımkölgəli Ay tutulması olacaq. Tutulma hadisəsi saat 21:08-də başlayacaq və saat 01:12-də sona çatacaq.

Maksimum tutulma saat 23:11-də olacaq. Tutulma hadisəsini Avropa, Asiya, Afrika, Avstraliyada müşahidə etmək mümkün olacaq. Belə ki, Ay adi bədrlənmiş (dolu) aydan bir az tünd görünəcək. Tutulma hadisəsi Azərbaycanda da müşahidə olunacaq.

Qeyd edək ki, 2020-ci ildə 4 Ay tutulması müşahidə olunacaq. Bütün tutulmalar yarımkölgəli Ay tutulması olduğundan adi gözlə görmək çətin olacaq.

Əvvəlki“İnterpol” Avropada daha bir azərbaycanlı mühaciri saxlayıb
NövbətiTovuzda meyiti tapılan 10 yaşlı qızın öldürüldüyü təsdiqlənib