Şuşada işlə təmin edilənlərin sayı açıqlandı

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi keçmiş məcburi köçkün olan 73 nəfər şuşalını doğma torpağında işlə təmin edib.

Bu barədə AZƏRTAC-a nazirlikdən məlumat verilib.

Bildirilib ki, həmin şəxslər orada tikinti, xidmət və digər sahələrdə çalışırlar.

Həmçinin Şuşaya qayıdacaq şəxslərlə bağlı da aidiyyəti işlərin görülməsinə başlanılıb.

Belə ki, 8 mindən çox ailənin 29 mindən çox üzvünün sosial-demoqrafik, məşğulluq üzrə təhlilləri, məşğulluq imkanlarının qiymətləndirilməsi aparılıb.

Eyni zamanda, Şuşada fəaliyyət göstərən işəgötürənlərlə də əməkdaşlıq edilir. Artıq 90-dək müəssisənin işçi qüvvəsinə ehtiyacları və vakansiya tələbləri öyrənilib.

ƏvvəlkiGəncədə Zəfər Günü münasibətilə hərbçilərin yürüşü keçirilir
NövbətiZəfər Günü münasibətilə DSX-nin bütün hərbi hissə və bölmələrində bayram konsertləri təşkil olunur