Suqovuşan istiqamətində mina partlayışı zamanı iki hərbçimiz xəsarət alıb

İtkin düşmüş hərbi qulluqçularımızın axtarışı zamanı baş verən mina partlayışında iki hərbçimiz xəsarət alıb.

Bu barədə “Report”a Müdafiə Nazirliyindən bildirilib.

“Vətən müharibəsi zamanı itkin düşmüş hərbi qulluqçularımızın Suqovuşan yaşayış məntəqəsi istiqamətində aprelin 6-sı günorta saatlarında keçirilən axtarışları zamanı düşmən tərəfindən basdırılmış piyada əleyhinə mina partlayışı nəticəsində Azərbaycan Ordusunun hərbi qulluqçuları – əsgər Əliyev Pünhan Şaban oğlu və əsgər Bəxtiyar İlqaroğlu xəsarət alıb, onların həyatları üçün təhlükə yoxdur”, – deyə məlumata qeyd edilir.

Faktla bağlı araşdırma aparılır.

ƏvvəlkiAzərbaycanda koronavirusa 2035 yeni yoluxma faktı qeydə alınıb
Növbəti“İdeal” mağazalar şəbəkəsinin keçmiş sahibinin həbsinin detalları məlum olub