“Səfəvi tariximiz” – Xətai Sənət Mərkəzində açılacaq növbəti sərgi belə adlanır

Noyabrın 21-də Xətai Sənət Mərkəzində “Səfəvi tariximiz” adlı rəsm sərgisi açılacaq. Sərgi “ASAN xidmət”in “ASAN” Könüllülük Məktəbi və Xətai Sənət Mərkəzinin təşkilatçılığı, Xətai Rayon İcra Hakimiyyəti, Azərbaycan Dövlət Rəsm Qalereyası, Xətai Rayon Gənclər və İdman İdarəsi və “Məktəblinin Dostu” layihəsinin dəstəyi ilə reallaşacaq.

Bu barədə AZƏRTAC-a Xətai Sənət Mərkəzinin direktoru Zahid Əvəzov məlumat verib.

Onun sözlərinə görə, sərgi Səfəvilər dövlətinin tarix və mədəniyyətinin təbliği, rəssamlar arasında milli ruh və milli mövzuda yeni əsərlərin yaradılmasını stimullaşdırmaq, habelə gənclər arasında vətənpərvərlik hislərini gücləndirmək, istedadlı uşaq və gənclərin üzə çıxarılması məqsədilə təşkil olunur.

Nümayiş olunan əsərlərin müəllifləri təşəkkürnamə ilə təltif ediləcək.

ƏvvəlkiMəcburi köçkünlər üçün əmək yarmarkası keçirilib
NövbətiStoltenberq NATO-nun büdcəsini Rusiya ilə müqayisə edib