Qış Paralimpiya Oyunlarında ilk dəfə Azərbaycan bayrağı dalğalanacaq

Azərbaycan Respublikası Milli Paralimpiya Komitəsinin qış idman növləri üzrə milli komandasının üzvü Azərbaycan Paralimpiya tarixində ilk dəfə olaraq Qış Paralimpiya Oyunlarında iştirak edəcək.

Komitədən Trend-ə verilən məlumata görə, Azərbaycan Milli Paralimpiya Komandasının üzvü Mehman Ramazanzadə Pekin 2022 XIII Qış Paralimpiya Oyunlarında ölkəmizi təmsil edəcək. M.Ramazanzadə kross-kantri növünün “sprint” kateqoriyasında çıxış edəcək. İdmançımızın yarışı 09 mart 2022-ci il tarixində baş tutacaq.

XIII Qış Paralimpiya Oyunları 04-13 mart 2022-ci il tarixlərində Çin Xalq Respublikasının paytaxtı Pekin şəhərində keçiriləcək. Oyunların açılış mərasimi martın 4-ü Pekin Milli stadionunda baş tutacaq.

ƏvvəlkiTürkiyə Prezidenti Rəcəb Tayyib Ərdoğan “Dubay Ekspo 2020”dəki Azərbaycan pavilyonu ilə tanış olub
NövbətiBu gün Azərbaycanda COVID-19 əleyhinə 71 min dozadan çox vaksin vurulub