Prezident İlham Əliyev şri-lankalı həmkarına başsağlığı verib

Prezident İlham Əliyev Şri-Lanka Demokratik Sosialist Respublikasının Prezidenti Maytripala Sirisenaya başsağlığı verib.

Türk.azın xəbərinə görə, başsağlığı məktubunda deyilir:

“Hörmətli cənab Prezident,

Ölkənizdə törədilmiş partlayışlar nəticəsində çox sayda insanın həlak olması və yaralanması xəbəri bizi olduqca kədərləndirdi.

Biz bu dəhşətli hadisədən son dərəcə hiddətlənir, terrorizmi qətiyyətlə pisləyir, onun bütün təzahürlərinə qarşı mübarizədə beynəlxalq birliyin səylərini dəstəkləyirik.

Baş vermiş faciə ilə əlaqədar Sizə, həlak olanların ailələrinə və yaxınlarına, bütün Şri-Lanka xalqına öz adımdan və Azərbaycan xalqı adından dərin hüznlə başsağlığı verir, yaralananların və xəsarət alanların tezliklə sağalmasını arzulayıram”.

ƏvvəlkiMaliyyə Nazirliyi problemli kreditlərlə bağlı kompensasiyaların ödənişi üçün 351 mln. manatlıq ilk tranşı ayırıb – EKSKLÜZİV
NövbətiSabah Azərbaycanda intensiv yağış yağacaq