Moldovada beynəlxalq avtobus və dəmiryolu nəqliyyatının hərəkətinə qadağa götürülüb

Moldova mayın 26-dan başlayaraq beynəlxalq avtobus və dəmiryolu nəqliyyatının hərəkətinə qadağanı aradan qaldırıb.

Trend-in məlumatına görə, bu barədə ölkənin İctimai Səhiyyə Milli Komissiyasının qərarını baş nazir İon Kiku öz “Facebook” səhifəsində yerləşdirib.

Qeyd olunur ki, daşımalar zamanı infeksiya ilə mübarizə və profilaktika tədbirlərinə ciddi riayət edilməlidir. Sərnişinlər qatar və avtobusa minməzdən əvvəl onların temperaturu yoxlanacaq.

Eyni zamanda Moldovada iyunun 30-dək əcnəbi vətəndaşların ölkəyə girişinə qoyulan qadağa qərarı qüvvədə qalıb.

ƏvvəlkiSumqayıtda ağır qəzada 4 hərbçi dünyasını dəyişib
NövbətiParisdə 28 May – Respublika Gününə həsr edilmiş “28 il Qarabağsız” adlı onlayn konfrans keçiriləcək