FED uçot dərəcəsini əvvəlki dərəcədə saxlayıb

ABŞ-ın Federal Ehtiyatlar Sisteminin (FED) Açıq Bazar Əməliyyatları üzrə Komitəsinin 22 sentyabr üzrə iclası uçot dərəcəsini 0-0,25 faiz faiz səviyyəsində saxlayıb.

“Report” “Prime”yə istinadən xəbər verir ki, bu barədə təşkilatın press-relizində bildirilir.

Faizin böyük ehtimalla il ərzində dəyişməyəcəyi qeyd edilir.

Qərar analitiklərin proqnozları ilə üst-üstə düşüb.

Bundan əlavə, FED 2021-ci il üçün ölkənin ÜDM artım proqnozunu 7%-dən 5,9%-ə endirib və 2022-ci il üçün 3,3%-dən 3,8%-ə qaldırıb. Bu il üçün inflyasiya proqnozu 3,4%-dən 4,2%-ə, gələn il üçün 2,1%-dən 2,2%-ə artırılıb.

Qeyd edək ki, dolların baza məzənnəsi sonuncu dəfə 2020-ci ilin mart ayında dəyişib.