Elektrik enerjisi ilə işləyən ilk hidrotəyyarə uçuş etdi

Kanadanın Britaniya Kolumbiyası əyalətində tam elektrik enerjisi ilə işləyən dünyanın ilk kommersiya hidrotəyyarəsinin uçuşu həyata keçirilib.

Türk.az “ictnews”a istinadən xəbər verir ki, ilk uçuş iki şirkətin – Şimali Amerikanın hidrotəyyarələrin istehsalı üzrə nəhəng “Harbour Air” aviaşirkətinin və elektrik aviasiyası üçün texnologiyalar yaradan “magniX” şirkətinin birgə səyləri sayəsində mümkün olub.

Bildirilir ki, Riçmond şəhərində 750 at gücündə “magni500” mühərriki ilə sürətləndirən “de Havilland Canada DHC-2 Beaver” markalı altınəfərlik “ePlane” hidrotəyyarəsinin uğurlu uçuşu keçirilib. “Bu tarixi uçuş elektrik aviasiyasında üçüncü dövrün başlanğıcının əsasını qoyub”, – məlumatda qeyd olunur.

“Bu gün biz tarixə daxil olduq”, – “Harbour Air Seaplanes” şirkətinin baş direktoru və təsisçisi Qreq Makduqall bildirib.

Bu ilin əvvəlində şirkət “MagniX” ilə tərəfdaşlığa başlamaq və dünyada ilk tam elektrik hidrotəyyarələr parkını tikmək niyyətində olmasını bəyan edib. 2019-cu ilin iyununda Paris aviasalonunda nümayiş etdirilən “Magni500” təyyarələri təmiz və effektiv enerji üsulu ilə təmin edən yüksək güc əmsalına malik elektrik mühərrikidir.

ƏvvəlkiVaşinqtonda amerikalı bəstəkarın Nəsiminin “Sığmazam” qəzəlinə bəstələdiyi musiqinin premyerası olub
NövbətiCavid Qurbanov: “Azərbaycan Dəmir Yolları”nda orta aylıq əmək haqqı 583 manata çatıb”