Efiopiyada yüzdən artıq insan aclıqdan ölüb

Efiopiyanın Tiqray əyalətində avqust ayı ərzində təxminən 150 nəfər aclıqdan ölüb.

“Report” xəbər verir ki, bu barədə BBC məlumat yayıb.

Məlumata görə, əyalətdə ərzaq ehtiyatları tamamilə tükənib. Bu əyalətin mərkəzi, cənub və şərq hissələrində, eləcə də Şire bölgəsindəki köçkünlər üçün yaradılan düşərgələrdə aclıq hökm sürür.

Bundan əvvəl BMT-nin Dünya Ərzaq Proqramı qarşıdakı 6 ayda Efiopiyada, xüsusən Tiqray regionunda 5,2 milyon insanın aclıq fəlakəti ilə qarşı-qarşıya qalması ilə bağlı xəbərdarlıq edib. Təşkilat fəlakətin qarşısını almaq məqsədilə 426 milyon dollar məbləğində vəsaitə ehtiyac olduğunu bildirib.

ƏvvəlkiTəhsil naziri məktəblərin açılması ilə əlaqədar vətəndaşlara müraciət edib
NövbətiBu gün COVID-19 əleyhinə 64 min dozadan çox peyvənd vurulub