Prezident İlham Əliyev Dilqəm Tağıyevin “Şöhrət” ordeni ilə təltif edilməsi haqqında sərəncam imzalayıb.
“Report” xəbər verir ki, sərəncamla Azərbaycanda elmin inkişafında xidmətlərinə görə Dilqəm Bəbir oğlu Tağıyev “Şöhrət” ordeni ilə təltif edilib.
Qeyd edək ki, gələn il yanvarın 6-da Azərbaycan kimyaçı alimi, AMEA-nın vitse-prezidenti, akademik M.Nağıyev adına Kataliz və Qeyri-üzvi Kimya İnstitutunun direktoru Dilqəm Tağıyevin 70 yaşı tamam olur.
