Çin Gürcüstana 420 min dollarlıq koronavirus testi hədiyyə etdi

Çinin Gürcüstana hədiyyə etdiyi koronavirusu sürətlə aşkarlayan testlər artıq Tbilisiyə çatdırılıb.

“Report”un yerli bürosu xəbər verir ki, bu barədə Gürcüstanın Çin Xalq Respublikasındakı səfiri Arçil Kalandiya özünün “Facebook” səhifəsində məlumat yayıb.

O bildirib ki, Siçuan əyaləti rəhbərliyinin təqdim etdiyi koronavirus və digər respirator virusları müəyyən edən testlər və müvafiq avadanlıqların ümumi dəyəri 420 min ABŞ dolları təşkil edir.

Qeyd edək ki, bu testlərdən ilk olaraq azərbaycanlıların yığcam yaşadıqları Marneuli rayonunun sakinləri keçiriləcək.

ƏvvəlkiBakı, Sumqayıt şəhərlərində və Abşeron rayonundakı ara və köməkçi yollarda polis postları təşkil olunub
NövbətiMəhbusların koronavirusa yoluxması xəbərləri ilə bağlı rəsmi açıqlama