Bakıda itkin düşmüş 44 yaşlı qadın evə qayıdıb.
Türk.az-ın xəbərinə görə, hadisə noyabrın 1-də paytaxtın Yasamal rayonunun A.Abbasov küçəsi ərazisində baş verib.
Belə ki, Bakı şəhər sakini, 1975-ci il təvəllüdlü K.Babayeva yaşadığı evdən çıxıb və bir daha geri qayıtmayıb.
Daha sonra qadının yaxınları hüquq-mühafizə orqanları əməkdaşlarına müraciət edib.
Yasamal Rayon Polis İdarəsinin 28-ci Polis Bölməsi əməkdaşlarının keçirdiyi müvafiq tədbirlər nəticəsində K.Babayevanın yaşadığı ünvana qayıtması təmin edilib.
Faktla bağlı araşdırma aparılır.
