Bakıda avtomobil yol kənarında dayanan piyadaları vurub

Bakıda avtomobil yol kənarında dayanan 3 nəfəri vurub, onlardan biri ölüb.

Türk.az xəbər verir ki, bu barədə Daxili İşlər Nazirliyi məlumat yayıb.

Məlumata görə, hadisə Xətai rayonunun Gəncə prospektində qeydə alınıb. Belə ki, avqustun 16-da Xətai rayonunun Gəncə prospektində Bakı şəhər sakini Elşən Şahverdiyev idarə etdiyi “Mercedes” markalı avtomobillə yolun kənarında dayanan paytaxt sakinləri Azər Mirzəyevi, Fuad Şirinovu və Lənkaran rayon sakini Samir Mustafayevi vurub. Nəticədə S.Mustafayev hadisə yerində ölüb, digər iki piyada isə xəstəxanaya yerləşdirilib.

Faktla bağlı Xətai Rayon Polis İdarəsi araşdırma aparır.

ƏvvəlkiRusiya türk xidməti pasportlar üçün viza rejimini ləğv edir
NövbətiFIFA yeni reytinqi açıqladı