İstanbulda keçirilən Türk Xəbər Agentlikləri Alyansının (ATNA) I Baş Assambleyası çərçivəsində Azərbaycan Dövlət İnformasiya Agentliyi (AZƏRTAC) ilə Anadolu Agentliyi arasında əməkdaşlığa dair yeni müqavilə imzalanıb.
Sənədi AZƏRTAC-ın İdarə Heyətinin sədri Vüqar Əliyev və Anadolu Agentliyinin İdarə Heyətinin sədri, Baş direktoru Serdar Karagöz imzalayıblar.
Yeni müqavilə yazılı xəbərlə yanaşı, qarşılıqlı foto və video mübadiləsini də nəzərdə tutur. Sənədə əsasən, iki agentlik arasında təcrübə mübadiləsi və texniki dəstək də həyata keçiriləcək.
