Azərbaycanın 55 şirkəti dəmir yolu ilə Rusiyaya pomidor və alma ixrac edə biləcək

Rusiyanın Baytarlıq və Fitosanitar Nəzarəti üzrə Federal Xidmətinin (“Rosselxoznadzor”) qəbul etdiyi qərara əsasən, iyunun 15-dən Azərbaycanın 55 şirkəti dəmir yolu ilə qonşu ölkəyə pomidor və alma ixrac edə biləcək.

“Report” bu barədə “Rosselxoznadzor”a istinadən xəbər verir.

Məlumata görə, bunlardan 31-i pomidor, 24-ü isə alma istehsalı üzrə fəaliyyət göstərən müəssisələrdir.

Qərar Azərbaycanın Qida Təhlükəsizliyi Agentliyinin təqdim etdiyi sənədlər və verdiyi zəmanət əsasında qəbul olunub. Mal ixracı fitosanitar sertifikatlar əsasında baş tutacaq. Oktyabrın 1-dən isə Azərbaycandan Rusiyaya ixrac konteynerlərlə həyata keçiriləcək.

ƏvvəlkiRəcəb Tayyib Ərdoğan: Ərazilərin minalanması məsələnin həllinə lazımi dəstəyi göstərəcəyik
NövbətiAZAL sərnişindaşımalarla bağlı bir sıra tələb və qaydalara aydınlıq gətirib