Azərbaycan və Çin şirkətləri arasında sənədlər imzalanıb

“Azərbaycan Dəmir Yolları” Qapalı Səhmdar Cəmiyyəti İctimaiyyətlə əlaqələr şöbəsinin rəisi Sevinc Qədirovanın Türk.az-a verdiyi məlumata görə,“Azərbaycan Dəmir Yolları” QSC-nin sədri C. Qurbanovun iştirakı ilə “Azərbaycan Dəmir Yolları” QSC-nin törəmə şirkəti olan  “ADY Konteyner” MMC ilə Çinin “Xi’an Continental Bridge International Logistics Co. Ltd” şirkəti arasında nəqliyyat-tranzit sahəsində Strateji Əməkdaşlıq Anlaşması imzalanıb. 

Çinin paytaxtı Pekində “Bir kəmər və bir yol” təşəbbüsü çərçivəsində Azərbaycan və Çin şirkətləri arasında sənədlərin  imzalanması  mərasimi keçirilib. Mərasimdə Azərbaycan Respublikasının İqtisadiyyat naziri, Azərbaycan-Çin Hökumətlərarası Ticarət-iqtisadi əməkdaşlıq Komissiyasının həmsədri Şahin Mustafayev və  Çin Xalq Respublikasının Kommersiya Nazirliyinin Avrasiya İdarəsinin rəhbəri, Azərbaycan-Çin Hökumətlərarası Ticarət-İqtisadi Əməkdaşlıq komissiyasının həmsədri Luo Veydonq iştirak edib. “Azərbaycan Dəmir Yolları” QSC-nin sədri C. Qurbanovun iştirakı ilə “Azərbaycan Dəmir Yolları” QSC-nin törəmə şirkəti olan  “ADY Konteyner” MMC ilə Çinin “Xi’an Continental Bridge International Logistics Co. Ltd” şirkəti arasında nəqliyyat-tranzit sahəsində Strateji Əməkdaşlıq Anlaşması imzalanıb. Sənəddə tərəflər Transxəzər Beynəlxalq Nəqliyyat Marşrutu ilə hərəkət edən konteyner qatarlarının təşkili üzrə razılığa gəliblər. Hər iki şirkət  2019- cu ildə 30  konteyner qatarı (2460TEU) buraxmağı planlaşdırır. Razılaşma həmçinin Bakı Beynəlxalq Dəniz Ticarət Limanının nəqliyyat qovşağı kimi  fəaliyyətinin genişləndirilməsində əhəmiyyətli rol oynayacaq.

ƏvvəlkiPutin Kim Çen In ilə Koreya yarımadasındakı vəziyyəti müzakirə edib
NövbətiPrezident İlham Əliyev Pekində daha iki şirkət rəhbəri ilə görüşüb – YENİLƏNİB