Akademik Azad Mirzəcanzadənin 90 illik yubileyinə həsr olunan beynəlxalq konfrans keçiriləcək

Dekabrın 13-14-də AMEA-da görkəmli neftçi-alim, akademik Azad Mirzəcanzadənin 90 illik yubileyinə həsr olunan “Neftqazçıxarmada innovativ texnologiyaların və tətbiqi riyaziyyatın müasir problemləri” mövzusunda beynəlxalq elmi konfrans keçiriləcək.

AMEA-dan AZƏRTAC-a bildirilib ki, konfransda Rusiya, Türkiyə, Səudiyyə Ərəbistanı, Çin, ABŞ, İsveç, İran və digər ölkələrin tanınmış alimləri iştirak edəcəklər.

Tədbirin təşkilatçıları AMEA, Təhsil Nazirliyi və Azərbaycan Dövlət Neft və Sənaye Universitetidir.

Qeyd edək ki, görkəmli alimin 90 illik yubileyi münasibətilə Azərbaycan Dövlət Neft və Sənaye Universitetində akademik Azad Mirzəcanzadənin muzey otağının açılışı da nəzərdə tutulub.