Ümumşəhər qəbiristanlığındakı şəhid qəbirləri Yasamalın Şəhidlər Xiyabanına köçürüldü

Vətən müharibəsində həlak olmuş və Bakının ümumşəhər qəbiristanlığında dəfn edilmiş 18 şəhidinin məzarı Yasamal rayonunda yerləşən Şəhidlər Xiyabanına köçürülüb.

“Report” xəbər verir ki, şəhidlərin məzarların yerlərinin dəyişdirilməsi ilə bağlı onların ailə üzvlərinin müraciətləri araşdırılıb və problem həllini tapıb.

Qeyd edilir ki, bu məsələ ilə əlaqədar yekun qərarın qəbulu vaxtının uzanması bəzi şəhid ailələrinin övladlarının məzarlarının yerinin dəyişdirilməsi istəyi, habelə sayca əksəriyyət təşkil edən digər ailələrin övladlarının məzarlarının həmin qəbiristanlıqda qalmasına razılıq verməsi ilə bağlıdır.

Bu gün aidiyyəti orqanların nümayəndələrinin şəhid ailələrinin üzvləri ilə daha bir görüşü keçirilib. Görüş zamanı şəhid ailələrinin məzarların yerlərinin dəyişdirilməsi ilə bağlı ümumi istəyi nəzərə alınmaqla müvafiq qərar qəbul olunub.

Qərara əsasən Vətən müharibəsinin ümumşəhər qəbiristanlığında dəfn olunmuş 18 şəhidinin məzarı Yasamal rayonundakı Şəhidlər Xiyabanına köçürülüb.

Məzarların Yasamaldadakı Şəhidlər Xiyabanına köçürülməsi şəhidlərin ailə üzvlərinin və din xadimlərinin iştirakı ilə həyata keçirilib.

Qeyd edək ki, köçürülmə zamanı qəbirlərdən su çıxması halı qeydə alınmayıb, məzarlara su sızmasına rast gəlinməyib.

ƏvvəlkiZakir Həsənov: Türkiyənin mənəvi dəstəyi müharibədəki qələbədə böyük rol oynadı
NövbətiBakıda daha bir marşrut xəttinə iritutumlu avtobuslar istifadəyə verilib