UEFA Konfrans Liqası: “Neftçi” – “Aris” – 3:0

Kiprin “Aris” klubu ilə oyunda “Neftçi” komandası növbəti dəfə fərqlənib.

AZƏRTAC xəbər verir ki, UEFA Konfrans Liqasının ikinci təsnifat mərhələsinin cavab oyunları çərçivəsində keçirilən matçın 62-ci dəqiqəsində Kenni Sayef komandasının üçüncü topunu rəqib qapısından keçirib.

Daha əvvəl matçın 38-ci dəqiqəsində Qodsvey Donyo, 57-ci dəqiqəsində isə Eddi İsrafilov qol vurublar.

Qeyd edək ki, Kiprdə keçirilən ilk oyunda Bakı klubu 0:2 hesabı ilə məğlub olub.