Sumqayıtda qatarla avtobusun toqquşması ilə bağlı rəsmi açıqlama

Bu gün Baş Sumqayıt stansiyasının yaxınlığında ölümlə nəticələnən bədbəxt hadisə baş verib.

“Azərbaycan Dəmir Yolları” (ADY) QSC-dən Milli.Az-a bildirilib ki, saat 13:20 radələrində 10 çən vaqonu manevr teplovozu ilə Sumqayıt Çay Stansiyasına gətirilərkən qorunmayan dəmir yolu keçidindən keçməyə cəhd göstərən Maarif Valeh oğlu Lazımovun idarə etdiyi mikroavtobusla toqquşub:

“Hadisə nəticəsində qatar tərtibatçısı Murtuz Aleksey oğlu Abdullayev dünyasını dəyişib. Hadisənin başvermə səbəbini müvafiq orqanlar aidiyyəti üzrə araşdırıb, hüquqi qiymət verəcək.

“Azərbaycan Dəmir Yolları” QSC adından Murtuz Abdullayevə Allahdən rəhmət, ailəsinə səbr diləyirik!”.

Əvvəlki10 Mart – Milli Teatr Günüdür
NövbətiDYP-dən xəbərdarlıq: Lüzumsuz siqnal verən sürücülər cərimələnəcək