Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2019-cu il üçün elan etdiyi 1-ci qrant müsabiqəsi çərçivəsində qalib olan “Milli Dəyərlərin Qorunması” İctimai Birliyi layihəsi çərçivəsində eyniadlı sənədli filmin çəkilişlərini yekunlaşdırıb.
XX əsrin əvvəllərində azərbaycançılıq məfkurəsinin inkişaf etdirilməsinə, ziyalılıq məktəbinin formalaşmasına misilsiz töhfələr vermiş, Bakının məşhur milyonçularından biri olan Ağa Musa Nağıyevin həyatı və fəaliyyətinə həsr olunan sənədli filmdə millət vəkilləri, tanınmış ictimai xadimlər öz xatirələrini və fikirlərini bölüşüblər. Millət vəkilləri Musa Urud, Elman Nəsirov, Qənirə Paşayeva, Rafael Hüseynov, AMEA Tarix İnstitutunun əməkdaşı, professor Hacı Ağayev, Ağa Musa Ağayevin nəvəsi Dilarə Nağıyeva-Muxtarova, nəticəsi Könül Muxtarovadan müsahibələr alınıb.
“Milli Dəyərlərin Qorunması” İctimai Birliyinin sədri, layihənin rəhbəri Dilarə Nağıyeva-Muxtarova bildirib ki, bundan sonra sənədli filmin ssenarisi müsahibələrlə uyğunlaşdırılacaq. Bu işlər yekunlaşandan sonra isə montaj prosesinə başlanacaq.
