Yanvarın 4-də Liviya Milli Birlik Hökumətində xarici işlər və beynəlxalq əməkdaşlıq naziri Tahir Baurun sədrliyi ilə 4-cü Afrika-Türkiyə Tərəfdaşlıq Sammitinin Təşkilat Komitəsinin ilk iclası keçirilib.
AZƏRTAC yerli mediaya istinadla xəbər verir ki, iclasda sammitə hazırlıq işləri müzakirə edilib, sammitin Afrika-Türkiyə tərəfdaşlığında həlledici məqam kimi siyasi və diplomatik əhəmiyyəti vurğulanıb. Həmçinin, 2021-ci ildə İstanbulda keçirilmiş 3-cü sammitin nəticələri qiymətləndirilib.
