Gürcüstanda dövlət bayraqları endirilib

Bu gün sovet qoşunlarının Gürcüstanı işğal etməsindən 98 il ötür.

“Report”un yerli bürosu xəbər verir ki, bununla bağlı ölkənin bütün dövlət qurumlarında bayraqlar endirilib.

Dövlət bayraqları Gürcüstan Prezidentinin sarayında, parlament, nazirlik, mərkəzi və yerli dövlət idarələrinin binalarında da endirilib.

Qeyd edək ki, Gürcüstan parlamentinin 21 iyul 2010-cu il tarixli qərarı ilə fevralın 25-i Sovet işğalı günü elan olunub. 1921-ci ilin fevralın 25-də Qırmızı ordu Tbilisiyə daxil olub və Gürcüstan Demokratik Respublikasını devirib.

ƏvvəlkiNaftalan şəhər İcra Hakimiyyətinin başçısı vəfat edib
NövbətiHüseyn Abdullayevin həbs müddəti uzadılıb