Cüdoçularımız Avropa birinciliyinin ilk yarış günündə 4 medal qazanıblar

Xorvatiyanın Poreç şəhərində yeniyetmələr arasında keçirilən Avropa çempionatının birinci günündə cüdoçularımız 2 qızıl, 1 gümüş, 1 bürünc medal qazanıblar.

AZƏRTAC xəbər verir ki, qızıl medalları komandamızın aktivinə Şahin Orucov (55 kq) və Nizami İmranov (60 kq) yazdırıblar. Aydan Vəliyeva (48 kq) gümüş, Məhəmməd Məmişov (50 kq) bürünc medal əldə ediblər.

Birinci günün yekun nəticələrinə görə, 4 medal əldə edən komandamız ümumi hesabda birinci yeri tutub.

İyunun 25-dək davam edəcək yarışda ölkəmizi 4 qız və 10 oğlan cüdoçu təmsil edir.

ƏvvəlkiUkrayna və Moldovaya Aİ-yə namizəd statusu verilib
NövbətiPrezident İlham Əliyev BP qrupunun baş icraçı direktorunu qəbul edib