Azərbaycan Kinosu Günü münasibətilə Dənizkənarı Bulvar İdarəsi və Cəfər Cabbarlı adına “Azərbaycanfilm” kinostudiyasının birgə təşkilatçılığı, Mədəniyyət Nazirliyi və Azərbaycan Respublikasının Kino Agentliyinin dəstəyi ilə avqustun 2-də açıq havada C. Cabbarlı adına “Azərbaycanfilm” kinostudiyasının istehsalı olan “Əhməd haradadır?” filmi nümayiş olunub.
AZƏRTAC xəbər verir ki, tədbirdə “Azərbaycanfilm”in geyim və rekvizitləri, çəkiliş və texniki avadanlıqlarından ibarət sərgi maraqla qarşılanıb.
Filmi yüzlərlə tamaşaçı izləyib.
Layihənin məqsədi gənc nəslin vətənpərvərlik və milli ruhda maarifləndirilməsi, Azərbaycan kinosunun təbliğidir.
