Borrel Azərbaycanın delimitasiya komissiyasının iclasının keçirilməsi ilə bağlı təklifini dəstəkləyib

Brüssel bu ayın sonuna qədər “sərhəd komissiyası”nın iclasını keçirmək istiqamətində çalışır.

Trend-in məlumatına görə, bu barədə Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrel deyib.

“Biz diplomatik səylərimizi əsirgəmirik. Əlimizdə olan resursları səfərbər edirik”, – deyə J.Borrel qeyd edib.

Xatırladaq ki, Azərbaycan Ermənistana dövlət sərhədinin delimitasiyası üzrə komissiyanın üçüncü iclasını əvvəlcədən planlaşdırıldığı kimi noyabrda deyil, oktyabrda keçirməyi təklif edib. Görüşün Brüsseldə keçirilməsi planlaşdırılır.