Azərbaycan “İti qovan” PUA-larının seriyalı istehsalına başladı

Azərbaycan Prezidenti, Ali Baş Komandan İlham Əliyevin şəxsi təşəbbüsü ilə 2005-ci ildə yaradılmış Müdafiə Sənayesi Nazirliyinin birlik və müəssisələri Azərbaycan Ordusunu silah və sursatla fasiləsiz iş rejimində təmin edir.

“Report” xəbər verir ki, nazirliyin mütəxəssisləri hərbçilərlə birlikdə yeni tipli silah və döyüş sursatlarının real döyüş şəraitində sınaqlarını keçirirlər.

Müdafiə Sənayesi Nazirliyinin müəssisələri yeni növ zərbə tipli, daha böyük dağıdıcı gücə malik “İti qovan” Pilotsuz Uçuş aparatlarının (PUA) seriyalı istehsalına başlayıblar. Ali Baş Komandan İlham Əliyevin tarixə düşən bu ifadəsi PUA-ların qanadları üzərinə yazılıb.

Hazırda “İti qovan” PUA-ları Azərbaycan Ordusunun istifadəsindədir.

ƏvvəlkiPrezident İlham Əliyev Türkiyənin Baş Ombudsmanını qəbul edib
NövbətiAzərbaycanda koronavirus infeksiyasına 825 yoluxma faktı qeydə alınıb, daha 171 nəfər sağalıb