Azərbaycana ilk qızıl medalı qazandırdığım üçün çox sevinirəm

Argentinanın paytaxtı Buenos-Ayresdə keçirilən Yeniyetmələrin III Yay Olimpiya Oyunlarının qalibi olan Azərbaycan cüdoçusu Vüqar Talıbov final görüşündən sonra fikirlərini bildirib.

“Report”un məlumatına görə, bu barədə 15 yaşlı idmançı Milli Olimpiya Komitəsinin mətbuat xidmətinə açıqlama verib. “Özümü çox xoşbəxt hiss edirəm. Ən əsası, Azərbaycana ilk qızıl medalı qazandırdığım üçün çox sevinirəm. Federasiyamızın rəhbərliyinə və üzərimdə əməyi olan hər kəsə təşəkkürümü bildirirəm” deyə Talıbov bildirib.

Qeyd edək ki, Vüqar Talıbov 66 kq çəki dərəcəsində qızıl medal qazanıb. O, yeniyetmələr arasında olimpiya çempionu olan ilk azərbaycanlı cüdoçu kimi tarixə düşüb.

Manaf QASIMBƏYLİ