Argentinada Maradonanın ölümü əlaqədar olaraq matəm elan edilib

Argentina prezidenti Alberto Fernandes əfsanəvi futbolçu Dieqo Maradonanın ölümü əlaqədar olaraq ölkədə üçgünlük matəm elan edib.

“Report” xəbər verir ki, bu barədə dövlət başçısının mətbuat xidməti bildirib.

“Dieqo Armando Maradonanın ölümü ilə əlaqədar ölkə prezidenti bü gündən üçgünlük matəm elan edəcək”, – bəyanatda deyilir.

Qeyd edək ki, Maradona bu gün 60 yaşda ürək tutmasından ölüb.

Maradona “Arxentinos Xuniors”, “Boka Xuniors”, “Barselona”, “Napoli”, “Sevilya” və “Nyuells Old Boyz” klublarında çıxış edib. O, 91 matçda iştirak edib və Argentina yığmasının heyətində 34 qol vurub. Maradona eləcə də 2008-ci ildən 2010-cu ilə qədər Arqentina milli komandasına başçılıq edib.

Xatırladaq ki, Dieqo Maradona son olaraq Argentinanın “Ximnasiya və Esqrima” klubuna başçılıq edirdi.

ƏvvəlkiDieqo Maradona dünyasını dəyişdi
NövbətiFransa Senatının bu qətnaməsi Azərbaycan üçün adi kağız parçasından başqa bir şey deyil