Tehranda Astana üçlüyünün sammiti başa çatıb, birgə bəyannamə qəbul edilib

Rusiya, İran və Türkiyə prezidentləri Vladimir Putin, İbrahim Rəisi və Rəcəb Tayyib Ərdoğanın iştirakı ilə Suriya nizamlanması üzrə Astana üçlüyünün görüşü başa çatıb.

“Report” TASS-a istinadən xəbər verir ki, görüşün sonunda birgə bəyannamə qəbul edilib.

Bəyannaməyə əsasən, Rusiya, İran və Türkiyə Suriyaya qarşı bütün birtərəfli sanksiyaları rədd edir.

Tərəflər Suriyanın suverenliyinə, müstəqilliyinə və ərazi bütövlüyünə sadiq qalır və hesab edirlər ki, Suriya münaqişəsinin hərbi yolla həlli yoxdur.

Həmçinin İran və Türkiyə liderləri Putinin dəvəti ilə növbəti üçtərəfli sammitin Rusiyada keçirilməsinə razılıq veriblər.

ƏvvəlkiQarabağa Böyük Qayıdış: Ağalı kəndinin ilk sakinləri yola salınıb
NövbətiCeyhun Bayramov Avropa Komissarı ilə Cənubi Qafqazdakı vəziyyəti müzakirə edib