Rusiyada nazir müavini həbs edildi

Moskvanın Basman Məhkəməsi Rusiyanın energetika nazirinin müavini Anatoli Tixonovun 600 milyon rubldan çox pulun mənimsənilməsi ittihamı üzrə həbsinə sanksiya verib.

Bu barədə “Report” RİA “Novosti”yə istinadən xəbər verir.

“Məhkəmə müstəntiqin vəsatətini təmin etmək, həbs tədbirini seçməyi qərara alır”, – hakim Valentina Levaşova qərarı elan edib.

İstintaq Komitəsi Tixonova, onun məsləhətçisi Roman Rıjkova, şirkət rəhbəri Vladimir Makarova və Viktor Serebryakova külli miqdarda dələduzluqla bağlı ittiham irəli sürüb və bu şəxsləri noyabrın 8-ə qədər həbs etməyi xahiş edib.

İstintaqın rəyinə görə, informasiya sisteminin yaradılması üçün Energetika Nazirliyinə ayrılmış “azı 603 milyon rubl” mənimsənilib.