Azərbaycan ərəb dünyasının aparıcı ölkələrindən olan Birləşmiş Ərəb Əmirlikləri (BƏƏ) ilə tarixi köklərə, mənəvi dəyərlərə, ənənələrə əsaslanan möhkəm dostluq münasibətlərinə malikdir. Ölkələrimiz arasında 1992-ci ildə əsası qoyulan diplomatik əlaqələr ötən dövr ərzində yüksələn xətlə inkişaf etdirilib, xüsusilə son illərdə keyfiyyətcə yeni səviyyəyə qaldırılıb. İki ölkə prezidentlərin qarşılıqlı səfərləri Azərbaycanla BƏƏ arasında strateji dialoqun və qarşılıqlı etimadın möhkəmlənməsinə töhfə verib.
