Paytaxtda sərnişin avtobusları bayram günlərində də fəaliyyət göstərəcək

Nazirlər Kabinetinin “Xüsusi karantin rejimi ilə bağlı əlavə tədbirlər barədə” müvafiq qərarına uyğun olaraq, ölkə ərazisində olduğu kimi Bakı şəhərində də ictimai nəqliyyatın fəaliyyəti 2021-ci il yanvarın 31-dək yalnız hər həftənin şənbə və bazar günləri dayandırılır.

Bakı Nəqliyyat Agentliyindən AZƏRTAC-a bildirilib ki, Yeni il tətili günlərində də bu qərar əsas götürülməklə yanvarın 2-də gecə saat 00:00-dan yanvarın 4-də səhər saat 06:00-dək ictimai nəqliyyatın hərəkəti dayandırılacaq.

Dekabrın 31-i, eləcə də 2021-ci il yanvarın 1 və 4-də isə müvafiq olaraq həftənin cümə axşamı, cümə və bazar ertəsi günlərinə təsadüf etdiyindən həmin günlərdə müntəzəm və ekspress xətlər üzrə avtobuslar adi rejimdə sərnişinlərin xidmətində olacaq.

ƏvvəlkiMilli Məclisin yaz sessiyasının ilk plenar iclasının vaxtı məlum oldu
NövbətiAzərbaycan Prezidenti xorvatiyalı həmkarına başsağlığı verib