Həndbol üzrə qadınlardan ibarət millilərinin Avropa zonası üzrə seçmə mərhələsinin oyunları başlanılıb

Həndbol üzrə qadınlardan ibarət milli komandalar arasında dünya çempionatının Avropa zonası üzrə seçmə mərhələsinin oyunları başlanılıb.

Azərbaycan Həndbol Federasiyasının mətbuat xidmətindən AZƏRTAC-a bildiriblər ki, birinci mərhələdən mübarizəyə başlayan Azərbaycan yığması noyabrın 3-də Portuqaliya millisinin qonağı olub.

Paredes şəhərinin “Multiusos de Paredes” arenasında keçirilən görüş 32:19 hesabı ilə Portuqaliya təmsilçisinin xeyrinə başa çatıb.