Gürcüstan və Qazaxıstanın amerikan futbolu üzrə milli komandalarının yoldaşlıq oyununda qalmaqal baş verib.
“Report” sports.kz saytına istinadən xəbər verir ki, Tbilisidə “Setanta Sports Georgia” telekanalının canlı yayımladığı matçın sonlarında 14:22 hesabı ilə məğlub durumda olan meydan sahibləri dava salıblar və qonaq oyunçuları döyüblər.
Nəticədə hakimlər Gürcüstan yığmasının hesabından 2 xal silib və görüş Qazaxıstan millisinin 22:12 hesablı qələbəsi ilə yekunlaşıb.
Matç başa çatandan sonra meydan sahibləri arenada Qazaxıstanın dövlət himnini səsləndirməyi lazım bilməyiblər. Üstəlik, Gürcüstan saytlarından oyunun görüntüləri silinib.