DGK narkoloji analizdən keçməyən gömrükçülərin işdən çıxarılmasına münasibət bildirib

Dövlət Gömrük Komitəsi (DGK) narkoloji analizlərdən keçməyən gömrük əməkdaşlarınının işdən çıxarılmasına münasibət bildirib.

Komitədən “Report”un sorğusuna cavab olaraq bildirilib ki, gömrük əməkdaşları mütəmadi olaraq tibbi müayinədən keçirilir və müvafiq tədbirlər görülür: “Gömrük orqanlarında xidmət haqqında” Əsasnaməyə və digər qanunvericilik aktlarına əsasən gömrük əməkdaşları mütəmadi olaraq tibbi müayinədən keçirilir və müvafiq tədbirlər görülür.

Xatırladaq ki, dünən bir sıra KİV-lərdə Dövlət Gömrük Komitəsinin sədr əvəzi, general-leytenant Şahin Bağırov gömrük əməkdaşlarını kütləvi şəkildə işdən çıxarması ilə bağlı məlumatlar dərc edilib. Məlumata görə, sədr əvəzi əməkdaşları narkoloji analizdən keçirib. Hövsan və digər postlarda işləyən bəzi gömrük əməkdaşlarının narkotik istifadəçisi olduğu aşkarlanıb. Ş. Bağırov onları işdən azad edib.