Bakıda siqaret kötüyünü yerə atanların cərimələnməsinə başlanılıb

Bakıda küçədə siqaret kötüyünü yerə atanlar inzibati məsuliyyət daşıyırlar.

Trend-in məlumatına görə, polis əməkdaşları bu prosesə nəzarəti gücləndirib.

Küçədə siqaret çəkib kötüyünü zibil qabından kənar yerə atan şəxs barəsində 50 manat cərimə tətbiq edilir.

Daxili İşlər Nazirliyinin Mətbuat xidmətinin əməkdaşı Nurlan Əliyevin Trend-ə verdiyi məlumata görə, bu məsələ qanunvericilikdə nəzərdə tutulub.

“Azərbaycanda “Tütün və ya tütün məmulatı haqqında” Qanuna əsasən, küçəyə siqaret kötüyü atmaq inzibati məsuliyyət yaradır. Küçəyə siqaret kötüyü atan şəxs buna görə 50 manat cərimə edilir. Bu məsələ İnzibati Xətalar Məcəlləsində də öz əksini tapıb”.

ƏvvəlkiAİ Rusiyaya qarşı sanksiyaların müddətini daha 6 ay uzadıb
Növbəti“Rısya” – ikinci MDB Oyunlarının talismanı