Bakıda sərnişin avtobusu qəzaya uğradı

Bakıda avtobus qəzaya uğrayıb.

Bakı Nəqliyyat Agentliyindən Trend-ə verilən məlumata görə, 25.06.2022 tarixində “Kənan-2000” şirkətinin müvəqqəti istismarında olan 70 nömrəli müntəzəm marşrut xətti üzrə hərəkət edən 90 MJ 279 nömrəli avtobusun iştirakı ilə yol nəqliyyat hadisəsi baş verib.

“Sərnişin avtobusu minik avtomobili ilə toqquşub. Daşıyıcı şirkətin direktoru Əbülfət Bayramovun verdiyi məlumata əsasən, hadisə nəticəsində avtobusda olan sərnişinlərdən xəsarət alan olmayıb”, – məlumatda bildirilir.