Slovakiyanın paytaxtı Bratislava şəhərində cüdo üzrə gənclər arasında Avropa çempionatı davam edir.
AZƏRTAC xəbər verir ki, final görüşündə Azərbaycan təmsilçisi Məhəmməd Musayev ( 57 kiloqram) fransalı Aleksis Renard ilə qarşılaşıb.
Görüşdən qələbə ilə ayrılan idmançımız qızıl medalın sahibi olub.
Daha əvvəl 60 kiloqram çəkidə çıxış edən Nihad Məmişov italiyalı Françesko Sampinonu üstələyərək qızıl medal əldə edib.
Qeyd edək ki, Avropa çempionatına sentyabrın 7-də yekun vurulacaq.
