Azərbaycan və Qırğızıstan arasında ticarət dövriyyəsi kəskin artıb

Bu ilin yanvar-may aylarında Azərbaycan və Qırğızıstan arasında ticarət dövriyyəsi 2,2 mln. ABŞ dolları təşkil edib.

“APA-Economics”in “Tazabek”ə istinadən verdiyi məlumata görə, bu barədə Qırğızıstanın Dövlət Gömrük Komitəsinin yaydığı statistik hesabatda qeyd olunub.

Bildirilir ki, ötən ilin analoji dövrü ilə müqayisədə iki ölkə arasındakı ticarət dövriyyəsinin artım tempi 198,6% təşkil edib.

Hesabat dövründə Qırğızıstan Azərbaycandan 698 min dollar dəyərində 590 ton həcmində məhsul idxal edib.